तुझ्या टपोर डोळ्यात, माझ इवलंस गाव - १४

तुझ्या रुपाची सजणी, आला बहरून मळा
तुला बघायला जीव, झाला डोळ्यामध्ये गोळा
कस रहाव ताब्यात, मन कस रहाव शांत
माझ्या भोवताली फुले, तुझ्या रूपाचा वसंत
तुझा फुलाला वसंत, गंध मातीलाही आला
देठादेठात मोगरा, देह मोगर्याचा झाला
देह झाला मोगर्याचा, फुले चांदण्याचे यावे
चंद्र धरतात हाती, पाय मातीला लागले
सखे जन्मलो मातीत, माती बदलावी कशी ?
खुल्या चांदण्याच्यासाठी, नाती बदलावी कशी ?
माती बदलावी कशी, असो मातीवर लळा
तुझ्या मातीमध्ये फुले, प्रेमाचा सोहळा
नात जीवाच मातीशी, तुला ठाऊक असाव
तुझ्या टपोर डोळ्यात, माझ इवलंस गाव ||१४||