तुझ्या टपोर डोळ्यात, माझ इवलंस गाव - १३

तुझी भरदार काया, तुझी नाजूक कंबर
कर्दळीच्या फांदीवर, कुणी टांगले झुंबर
तुझी चाल तुरु-तुरु, कधी चाले हळु-हळु
सखे थांबुन कशाला, पाहतेस हळु-हळु
सखे थांबुन कशाला, पाहतेस वळु-वळु
सखे भलत्याच वेळी, वळुनिया पाहू नये
आग चालता चालता, इथ तिथ लावू नये
आग लावली गावात,  सारा जाहला तितंबा
लोक चावट सगळे, उगाच मारतात बोंबा
जिथ तिथ सौंदर्याचा, तोरा दावू नये राणी
सारी मातीत जाईल, लाख मोलाची जवानी
इथ जीव गेला माझा, तिथे खेळ तुझा झाला
तूच फोडल्यास काचा, आळ माझ्यावरी आला
तुझ्या अश्या वागण्याने, होतो कासावीस जीव
तुझ्या टपोर डोळ्यात, माझ इवलंस गाव ||१३||